Në Kosovë është shënuar rekord i rasteve me të vdekur nga Covid-19 në Kosovë. Bëhet e ditur se janë shënuar 1630 raste të reja, ndërsa fatkeqësisht 36 persona kanë humbur betejën me Covid-19.
NJOFTIMI
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon nga 11.017 testime, 1.630 qytetarë kanë rezultuar pozitiv me virusin COVID-19.
MSH njofton se gjatë 24 orëve të fundit, janë shënuar 36 raste të vdekjes.
Sot janë shëruar 816 qytetarë, derisa numri i përgjithshëm i të shëruarve është 113.699.
Në total numri i rasteve aktive është 26.575.
Në 24 orët e fundit janë dhënë 11.458 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 808.078 doza të vaksinës.
Deri më sot 269.312 qytetarë janë vaksinuar me dozën e dytë.
